Tlamatini / Teixtlamachtiani


In tlamatini: tlavilli ocutl, tomavac ocutl hapocyo;
tezcatl coyavac, tezcatl necuc xapo;
title, tlapale, amuxva, amoxe
Tlilli, tlapalli.

Huitli, teyacanqui, tlanelo;
tevicani, tlavicani, tlayacanqui.
In qualli tlamatini, ticitl, piale,
machize, temachtli, temachiloni, neltocani .

Neltiliztli temachtiani, tenonotzani,
teixtlamachtiani, teixcuitiani, teixtomani,
tenacaztlapoani, tetlaviliani,
teyecayani, tehutequiani,
itech pipilcotiuh.

Tetezcaviani, teyolcuitiani, neticiviloni, neixcuitiloni.
Tlavica, tlahutlatoctia, tlatlalia, tlatecpana.
Cemanavactlavia
topan,mictlan quimati.

Haquehquelti, haxihxicti,
itech nechicavalo, itech nenetzahtzililo, temachilo,
iteh netlacaneco, itech netlaquauhtlamacho,
tlayolpachivitia, tepachivitia, tlapalevia, ticiti, tepatia.

Texto en nahuatl: Códice Matritense

Imagen: Códice Florentino

0 comentarios: